大砂嵐金崇郎のインスタグラム(oosunaarashi) - 9月4日 03時11分

الفرق بين الصورتين دول حوالي ١٠ سنين ...
١٠ سنين تعب و مجهود و عرق و ثقه بالنفس و تضحيات لا يمكن لأي بني ادم انه يتخيلها .
كنت عشان اروح تمرين السومو ، كان لازم اسافر ٤ ساعات من (قرية البجلات ، مركز منية النصر ، محافظة الدقهليه) الي (نادي اتحاد الشرطه الرياضي بالعباسيه ، القاهره) مرتين كل اسبوع عشان اروح اتمرن و كنت مؤمن بنفسي لدرجة اني كنت بصحي كل يوم و ابص ف المرايه و اقول (أنا بطل ، انا هعمل تاريخ مفيش حد عمله قبلي) و مع ايماني بنفسي و مجهود كباتن معايا مهما عدا الزمن عمري ما هنسا كل اللي عملوه و اسمحولي اخص بالذكر ٥ مدربين كانو من الاسباب الرئيسيه ل نجاحي بعد توفيق ربنا ثم مجهودي و ايماني بنفسي :
١- الكابتن علاء شعلان (والدي) اللي كان بيهيألي كل حاجه عشان اتمرن.
٢- الكابتن طارق شعلان (اخويا) كان اكتر حد ف الدنيا مؤمن بيا.
٣- الكابتن سعيد إبراهيم صديقي اللي عرفت السومو عن طريقه و هوا اللي دخلني اللعبة من الأول.
٤- الكابتن سيد عبد الغني صانع الأبطال مدربي و مُعلمي اللي علمني يعني ايه سومو
٥- الكابتن احمد خليفة مدير فنب منتخب مصر اللي دايما له بصمه ايجابيه ف حياة أي لاعب سومو
كل العوامل دي ساعدت ف صناعة تاريخ أنا كنت مصدقه قبل ما يحصل و بقيت ((المحترف الأول و الوحيد من مصر و أفريقيا و الوطن العربي و الشرق الأوسط كله)) مش كدا و بس علي فكره
من اسرع ٣ لاعبين اجانب في تاريخ السومو وصولا لمرحلة (الجوريو) و دي المرحلة اللي بتبدأ الناس تعرفك و تشوف ماتشاتك عالتليفزيون
لا و مش كدا و بس ، خد عندك ... أسرع لاعب اجنبي ف تاريخ السومو يوصل لمرحلة (ماي-جاشيرا) و دي اللي بعد الجوريو علي طول و اول مرحله ف (ماكوؤتشي) و هيا اعلي مراحل السومو .. حضرتك بقا دا غير ان مش هتلاقي ماتشات سومو فيها KO ضربات قضيه اكتر ما هتلاقي ف ماتشاتي 💪🏼💪🏼💪🏼
و حاجات كتييير اوي حصلت و بتحصل و ان شاء الله هتحصل اقل ما يقال عنها (صناعة تاريخ) هنتكلم فيها بعدين
الخلاصه :
صدق نفسك و حول حلمك لهدف و هتوصله عشان مفيش قوة ف الكون تقدر تغير حاجه أنت مصدقها >>>> #A_S_K not ask
#صانع_التاريخ #مليش_آخر #انا_اوسوناآراشي
#يا_مسهل #فرعون_السومو #حملة_فرعون #مصر #مصري #تحدي #سومو_مصر #سومو_بالعربي #شعلان_سومو #بودي_سومو #أخبار_حلوة
#اعمل_شير_واسعى_في_الخير 😅

#大砂嵐
#Osunaarashi
#Egypt
#Egyptian
و اكيد
#صباحكم_بيضحك
او
#يومكم_بيضحك
او
#ليلتكم_بتضحك
علي حسب التوقيت المحلي بالنسبالكم 😊

[BIHAKUEN]UVシールド(UVShield)

colinshaw1 You have achieved so much already in your life. You should be proud and look forward to whatever path life takes you. Your many fans will always support you.

doaashawwaf يااااه ياعبدالرحمن صورتك دى فكرتنى بأيام الطفولة وبيت تيتا وجدو ولمتنا فى الفسح والمصايف أحلى ذكريات مع أحلى عيلة وأطيب ناس ، ربنا يارب يجمعنا على خير يارب

ahmed_talatsma ربنا يوفقك يا بطل صورتك انت وحمد علاء ونبيل ذكريات جميلة في نادي منية النصر

adawye89 تاريخ مشرف يا بطل تستاهل كل خير وربنا يوفقك في إلى جاى 💪❤️

seikimachan Do you have plans in relation to sumo?

_sleem___ عاش يا بطل ما شاء الله عليك 💪

>> 飲む日焼け止め！「UVシールド」を購入する